六月的第一天 -
非常忙碌充實嘅生日月轉眼間就過咗
從四月嘅㥬惶擔心到慢慢穩定踏實上軌道
專注工作到什至連IG都無時間更新
但係有啲野點都真係要講嘅
- 非 - 常 - 感 - 恩 -
一切嘅工作機會同埋際遇都係嚟得剛剛好
就好似助我乘風破浪嘅順風咁樣出現
仲記得上年我去 @momentyoga.studio 見工之前
去咗一間連鎖零售店in part time俾店舖經理覺得我唔得
我果陣都好懷疑自己 好擔心 到底我可以做啲咩野
係MomentYoga Wendy俾信心我 肯用我
我地經歷一波又一波嘅疫情
仲記得第四波嘅時候我對Aerial Hoop學生嘅依依不捨之情
所有經驗一點一點嘅累積 無疑係當時幫我打咗一針強心針
而第四波疫情果陣中環區嘅大家都好似都要WFH
連帶 @still.jingjing 嘅業務都一直停滯
係果段時間亦都比咗個機會自己走到電視圈接受不一樣嘅挑戰
但係到到gym開得返之後 始終都要做返好自己嘅本業嘅
係我唔知應該從可入手嘅時間 就有 @fitnessbeehk 比咗好多機會我
由代課 慢慢到自己嘅regular class
好多我想教唔同類型嘅課堂 都俾我試我做
自我無做空姐之後 都未試過有禁忙碌咁返工
比我好肯定咁確認我真係好鍾意呢個工作
習慣咗密密麻麻嘅schedule
為忙碌而覺得開心同有價值
就俾我緊接遇到 @boundlessfitnesshk
記得我第一日嚟返工 果日條街好熱好熱
我見到你地係街派傳單 為公司新開做宣傳
果日我就同自己講 我一定要好好教
因為學生可能係你地好辛苦係街搵返嚟
而可幸嘅亦都係學生真係好好 都願意keep住上我堂
頭先講到要忙碌 就真係要講 @hkblancfitness
佢地係IG inbox我 邀約我 比機會我去到佢地公司
完全好似係中六合彩嘅運氣同機會
比我可以係一個禁靚禁舒適嘅地方工作
優先幫我排時間 比我完美排滿排好schedule
仲有課堂上成日都有超級美女學生
到底點解可以比我遇到禁好禁好
講到好 又要講我生日
收到大家好多好多嘅祝福
真心我自己一年都無同幾多人講生日快樂
點解會有大家對我禁好 就算係一句祝福
都就係我自己都冇做到嘅嘢
我話生日要返工要做有意義嘅事
想賺錢捐錢 就有你地禁多人支持我
我果日其實問咗自己好多次 我憑什麼
你地真係真係對我太好啦
最後最後 係嘅 有好就自然有唔好
我自己都係啦 有優點有缺點
身邊嘅人同事都會有遇到好同唔好
我嘅缺點我都好努力
希望可以隨住我嘅生日
一年一年成長
一年一年慢慢改善
至於唔好嘅人同事
亦都係 - 非 - 常 - 感 - 謝 -
有多努力想把我打倒
我便會有多努力爬起來
好啦好啦 今日有啲長氣
其實我而家都真係趕住返工
有咩講得唔好 多多見諒
最緊要最緊要想講其實都係一句
多謝
Search